KUD „Romi“ andaro Vitez 20 bršengo ćerel promocija pala romani kultura thaj tradicija

Anglune bršenge sasa but pharo. KUD „Romi“ na istarda o than pala koreografikano sićipe, thaj probe inćardile angla e Fafulićesko familijako ćher.

Kana dikhen e bršenge anpalpale kultura thaj arto e narodese katari Bosna thaj Hercegovina, lungobršengi tradicija thaj avrečhende siklipa, ćeren gova phuv sar but specifični phuv. Ande država kaj maladilen avrečhende kulturikane mola, naj numaj save perel talo barikane khetanipa, kulture ćeren pindžaripe angla Bosnake thaj Hercegovinake grancura.

Romani kultura thaj tradicija, ćhelipa thaj djila, angla dur vakto si inspiracija pala balkanikane narodura.  Von si o kotor pala balkanikane artistikane repertoarura. Te na mangen te anen e repertoarikano kvaliteto ando phučipe, trubuj Roma te ćhelen thaj djilaben. E Romenca gova si lačheder thaj Roma korkorre mothoven piro kulturako barvalipe pe majšukar drom.  Gova dumo si-les Adil Fafulović, o manuš pe savi inicijativa fundisarda 1998. Kulturno-umjetničko društvo „Romi“ (KUD „Romi“)/Kulturako- artistikano amalipe “Roma” andaro Vitez, jekhorro KUD ando  Srednjobosansko kantono, thaj šaj te avel ande sasti Bosna thaj Hercegovina. Adil si koreografo ando gova KUD, thaj pale gasavo o dženo ande predsjedništvo ande Udruženje „Mladi Romi“/ Amalipe “Terne Roma” andaro Vitez.

Athoska maripesko gatipe, dikhlem but terne manuša sar o vakto ćhuden pe dromeste, čoren, aven ando kontakto e drogenca, thaj me manglem te ažutinav pe jekh aver drom.  But bršengo avilem dženo ando KUD „Slobodan Princip Seljo“thaj mrni ideja sasa te astarav folklornikani sekcija kaj e terne šaj te maladilen, ćeren amalipe, edukacija thaj duraven e došale siklipendar, risparisavol pe Fafulović.

Anglune bršenge sasa but pharo. KUD „Romi“ na istarda o than pala koreografikano sićipe, thaj probe/siklipa inćardile angla e Fafulićesko familijako ćher. Narodna nošnja ćidel pe ande romane familija save istarde lačhe tradicionalne šeja pala ćhelavde thaj ćhelutnarke. Andexoli e gova pharipengo, mangipe thaj zurali vodji avile but barikane pala folklorikano sekcijako nakhadipe savi ćidel terne manuša paša 20 bršengo.

Amari angluni koreografija sasa romano ćhelipe – spleto kaj amen  mothodilam amare romane ćhelipa. Pe scena sasa terni/bori thaj terno, mangipe, thaj gadija amen mothodilem elementura katari romani tradicija thaj kultura.  Pe ćhelavipe ande Sarajevo, uzo gova koreografija amen reslam angluno than.  Istardam jekh Povelja kataro foro Zagreb, kana avilam kote kana sasa o Djive pala Romani čhib.  Katari Općina Vitez amen istardam rupuni plaketa pala arakhipe pala romani kultura, tradicija thaj siklipe.  E anglunipeste sasa but dženura, thaj adjive si paša 15 dženura, e savendar naj si sa e Roma, thaj gova na ćerel amen but problemura, pala amen si maj importanto te ćhelen. Ćhelipa save amen ćhelen si katare savore narodnostura ande BiH, numaj majbut ćhelen romane ćhelipa. Gova ćhelipa amen ćhelen majbut pe avrečhende smotre, manifestacije thaj humanitarne koncertura, mothodilo Fafulović but barikano, thaj durder dija vorba kaj  KUD „Romi“ numaj ando jekh brš sasa pe 25 humanitarnikane desisajvipa save avile ande organizacija pala ažutipe pala nasvale čhavore ande inostranstvo/avralutnipe.

KUD „Romi“sar jekhipasko romano amalipe, e specifikanikane koreografijensa,  najma o pindžardipe sar jekh prioriteto maškar e ićaripeske strukturura.  Itakaj si kote o than savo dija lendje opštinaki administracija, e lovenge problemura ačhen durder.

Pe Vitezoski pašimata ćeren bući pandž kulturake-artistikane amalipa, hrvatska, bošnjačka thaj jekh romano. Si-amen registracija, si-amen sa dokumentura, numaj naj si kote o than pala amaro budžeto sar si o čačipe pala aver amalipa (KUD) save istaren 800 KM pe sako čhon. Numaj, kana džan pe nastupi amen istaren minimalne love, so si ando sasto brš paša 1.000 KM. Andegova, amari bući pindžarde varese manuša, gadija si-amen amare sponzorura  thaj donatorura save ažutinen kana si-amen trubujipe, vaćarda Adil Fafulović pala Udar.

Terne, kultura thaj siklipa

E lovenge problemura naj si jekhorre problemura e savenca KUD „Romi“ dikhel pes. Amaro vorbako manuš vaćarda kaj terne, palpale muršikane, si-len cira intereso pala andripe ande folklorikani sekcija.

Romane čhavore na džanen but e pire tradicijaće, thaj majbut e pire čhibjaće, thaj šaj te phenen kaj naj-amen jekh čhavo savo džanel i romani čhib.  Andegova, but deja thaj dada došaren, odolese so na den e čhavorende te sikljoven piri čhib, odolese so na mangen te haćaren diskriminacija ande škola, vaćarda Fafulović.

Ande familija Fafulović, sa pandž familijake dženura avile thaj si adjive ande folkloro.  Von avile ande „Preporod“ thaj ande „Napredak“, odolese so si majbarikano pala len o ćhelipe thaj i djili. Adilesko majterno čhavo Albin si o dženo ande KUD „Romi“ thaj o dženo ande folklorikani sekcija uzo HKD „Napredak“ ande Vitez.

Te oven o dženo ande liduj kulturake-artistikane amalipa si paćiv pala man.  Pindžardem but manuša, phirdem ande sasti BiH thaj ande avralutnipe, thaj mrno mukhlino vakto dav pe mišto thaj baxtalo drom.  Ćhelipe thaj djili si vareso so maladilen amen, numaj uladipe maškare romane thaj hrvatske folklorura si kote.  Ande romano folkloro, ćhelipa si but baxtale, bašalipe si but džuvdi, porade si avrečhende, kote si elementura pala porresko ćhelipe, džiko ande hrvatsko folklore akcento si pe duj-porada, trin-porada thaj aver, sikavda Albin.

(portal-udar.net)