Bosanski
Džapeutni ande brčansko Dnevno centro/Djivutno centro, injabršengi Amela Aljić, theravni si e poćinako pala majšukar tasvirikani bući pe tema: Tangaripe/Zoralipen upral thaj koring čhavoren. E pire bućasa Amela mothodili sar haćaren e čhavoren kana si kote o tangaripe upral thaj koring lendje, thaj save posljedice o tangaripe mukel pe lendje.
Poćin si dino ando framo pala poćinesko konkurso pala čhavorenge thaj ternenge buća, ande framo e kampanjaće „Sva lica zanemarivanja/Sa muja e muklinipesko“ savi ćerda World Vision. Gova kampanja sasa istardi odolese so trubuj te mothoven kataro šerutnikanipe pala e tangaresko/zuralipesko ačhavipe upral thaj koring čhavoren, uzo baro fokuso pe čhavorengo thaj ternengo muklipen ande amari phuv.
„Pharo si mandje kana deja thaj dada maren pire čhavoren. Mangav te savore čhavore si len lačho džuvdipe, kaj šaj te ćhelen, te džan ande škola thaj te maladilen e pire amalenca“, vaćarda Amela, thaj lunjarda lako gindo kaj but deja thaj dada na den but dumo pala e pire čhavorenge mangipa.
E pire bućasa, sar phenel, voj zumavel te bićhalen pire thaj e pire amalendje bićhaldi vorba/poruke sar mora te ačhavel thaj agorisarel o tangaripe/zoralipen koring e čhavorendje.
“Specifično pala muklipe si kaj lesko simptomo si pharo thaj amen dikhen gova kasno. Odolese, gova problemo džal sar bidikhavno/ bićhutino sama. Palal gova leske posljedice si but phareder pala individua, jal lačheder vaćardo pala čhavo jal pala terno dženo savo crdel/nakhavel gova tangaripe/zoralipen ”, vaćarda Dragana Bulić, šoreski romni ande World Vision. Voj dija vorba kaj gova tangaripe/zoralipe si majbutivarno thaj si les tragikane posljedice.
Muklipen si kote thaj si les but forme, mothovel Amela savi but droma dikhel situacije kaj lake amala mangen pe dromeste.
„Mandje si but pharo kana dikhav e čhavore pe dromeste te mangen, thaj kana daran te džan ćhere ako naj len love gači lendje daja thaj dada ažućaren lendar. Džanav kaj si but pharo te živinen, numaj čhavorengo labaripe na trubuj te avel čačardipe pala čačipe rumipe e čhavorenge čačipa“, vaćarda pala amaro portal Elvis Aljić, Amelako dad.
Andaro World Vision den vorba kaj si organizacijako bući thaj bući savo del sako relevantno aktero but baro thaj kaj gova problem trubuj te džal maškare thaj paše forentenge.
„Ande Bosna thaj Hercegovina naj-amen čače statistikane rezultatura thaj odolese amen mangen te bajroven godji kataro gova problemo. Amen mangen kaj e gova problemese thaj phučipese pobut džanen savore čhavore, deja thaj dada, profesionalcura… Adjive, e gova performansasa amari kampanja džal. Mangen te astaren sama pe gova”, vaćarda Bulić.
E dejako thaj dadesko zoralipe pe čhavoresko korkorropaćivalipe si-les baro zor, sar den godji ekpertura, thaj te bajroven bizo dejako thaj dadesko zuralipe čhavoren šaj te astaren te ćeren inćaripeske negative forme.
„Baxtali sem, odolese so mrne phenja thaj me dživinen baxtalo e dejensa thaj dadensa. Si-amen sa so trubuj amen, thaj gova brš ka džan ande škola “, phenel Amela.
Goja poćin, vadžaj jekh drom, mothovel kaj romane čhavoren šaj te reslen lačhe rezultatura thaj pala gova von trubuj numaj inćaripe.
(portal-udar.net)
